Family Outing ka Pusparaja

family outing pusparaja

Family Outing teh nyaeta salah sahiji program acara tipi ti Korea Selatan nu mintonkeun sakelompak artis nu kudu nyicingan hiji imah nu tempatna biasana jauh ti kota. Tah maranehna teh dipasihan tugas kudu kieu kudu kitu. Maranehna dipaksa kudu hirup siga urang pilemburan.

Kuring ge insya Allah bakal ngalaman samodel kitu. Lamun Family Outing mah ngan saukur dua poe hiji peuting, ari kuring mah sabulaneun. Nu disebut Kuliah Kerja Nyata tea ning.😀

Salaku mahasiswa S1 Unpad nu nincak ka tahun katilu saacan nyusun tugas akhir, KKN teh jadi hiji kagiatan wajib pikeun mahasiswa. Hiji kagiatan nu diayakeun ku Lembaga Penelitian dan Pengabdian kepada Masyarakat (LPPM) Unpad.

Pikeun mahasiswa mah KKN ieu teh bisa jadi sarana pikeun leuwih deukeut turta bisa nyaho kana kaayaan dinamika masyarakat nu saeunyana. Pan mahasiswa teh agent of change tea, nu bakal jadi masyarakat engkena oge, kuduna bisa jadi solusi pikeun lingkungan sabudeureun. Komo deui jadi mahasiswa PTN mah, boga sameutan nu teu saeutik ka masyarakat teh.

Kuring kabagian KKN periode bulan Juni-Juli tahun ayeuna. Tah, Salasa kamari (08/04/14) diayakeun plotting tempat KKN, nyaeta urang milih sacara online lembur nu bakal dijadikeun tempat KKN urang. Kusabab sistemna online, antukna mah situs Unpad rada error kumargi serverna beurat seueur nu ngakses. Da mahasiswa tea pagancang-gancang bisi teu kabagian tempat nu diresepna.

Tinggal: Balada Plotting KKN Unpad Periode Juni-Juli 2014 – yulialatifah.tumblr.com

Asalna mah kuring geus nyirian Sukabumi. Alasanna mah meh bisa bari liburan ka Ujung Genteng. Kumargi Sukabumi tos katempatan ku nu sanes, ngan nyesa Tasik sareng Indramayu. Akhirna mah milih Tasik weh ah meh tiis.😀

KKN ARIF ABDURAHMAN

Sakelompok KKN teh aya 20 urang gabungan ti rupa-rupa fakultas. Alhamdulillah, babaturan safakultas nu sakelompok teh sareng si Opik (@taufikyusdian). Lamun disidik-sidik tina hasil stalking saha wae batur sakelompok mah sigana barudakna balarageur lah.

Ari ngabandungan caritaan tina nu tos ngalaman KKN mah sigana resep pisan. Ah jadi teu sabar hoyong geura-geura ‘Family Outing’ ka Pusparaja.

===

Postingan #ReboNyunda kali ini ngebahas tentang saya yang bakal ngejalanin KKN di Tasikmalaya bulan Juni-Juli nanti.

Nah, saya menilik acara variety asal Korea Selatan, Family Outing, yang konsep programnya mengajak artis-artis menempati satu rumah di lingkungan pedesaan yang jauh dari kota. Format yang mungkin bakal saya temui seperti di KKN nanti.

Cag ah!


23 thoughts on “Family Outing ka Pusparaja

  1. Wilujeng KKN, babagi elmu ka masyarakat disitu, sanes kangge milarian jodoh heuheuy…
    Soalna, kapungkur mah sok seueur anu jantenan taaah, komo upami aya kembang desa mah..:D

    Catet: teteh kapungkur teu naksir sasaha, tapi seueur anu naksir…*sadia kantong keresek bilih utah* hahaha

  2. Kapungkur teh aya ku herannya, bapak Lurah teh meni cunihin pisaaan, jabi kamar teh teu aya pantoan mung di gordengan tah, atuuhh buni pisan upami bade bobo teh… Karunya rerencangan teteh anu montok, hayoh we dikiceupan ku pak Lurah, meni hoyong ngabalang hahah

Berkomentarlah sebelum komentar itu dilarang. (NB: Serélék=Email, Nami=Nama)

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s