Hujan Banjir Dor Dar Macet

yoona hujan salju

Kapungkur mah teu hese nangtukeun iraha wae usum hujan teh. Bulan-bulan nu tungtungna aya ‘ber’, insya Allah diliwatan ku usum hujan. Tapi kiwari mah, tos dugi ka bulan Maret, tapi hujan masih betah keneh turun wae.

Asa teu kaci lamun hujan teu dibarengan banjir teh, nya minimal aya jalan nu kakeueum. Sapertos sim kuring nu nembe mulang ti Jatinangor, ngaliwatan cai nu saluhur bitis di daerah Gedebage. Nu antukna mah sapatu jadi baseuh. Tapi alhamdulillah ari si motor mah teu dugi ka mogok.

Sateuacanna kuring ge rada hariwang ku sabab ninggal info di twitter yen di daerah Bandung nuju hujan badag dibaturan gelap nu dar der dor. Ari ka hujan mah sim kuring resep, da ari di Islam mah kan hujan teh berkah. Teu resep teh ku gelapna tadi, ku buricakna sieun sim kuring mah, sieun kabentar tea. Untungna pas di jalan mah ngan kabagian macetna hungkul kusabab seueur jalan nu kakeueum tea.

Balik deui ka masalah banjir. Masalah nu sering kapanggih di kota-kota badag di Indonesia, hususna Bandung. Ulah nyalahkeun hujan, da alatan nu ngadumasarkeun banjir mah hasil pagawean manusia. Faktor nu paling ngabalukarkeun banjir tadi nyaeta pangwangunan nu teu merhatikeun kana isu lingkungan tea.

bandung kiwari

Numutkeun pamendakan sim kuring mah salah sahijina kusabab alih fungsi lahan nu dijadikeun perumahan-perumahan. Daerah nu baheula biasana bebas tina banjir ayeuna mah keuna. Enya ari perumahananna mah teu banjir, tapi daerah nu sabudeureunna nu jadi korban. Rek hujan leutik komo deui lamun badag, banjir insya Allah datang. Jadi sanajan sanes arsitek atanapi ahli tata kota, kuring wani nyimpulkeun yen nu ngawangunna salah.

Ari ngeunaan ieu mah meureun bahasan pamarentah nu gaduh kawijakan tur pengusaha nu gaduh proyek. Tah ari urang salaku rahayat biasa kumaha? Ieu mah budak SD geu apal, rada klise pasti, cing ulah miceun runtah dimana wae. Babari pisan kan.

Pamarentah bebenah sistem, warga ge omat ulah miceun runtah dimana wae. Sing nyaah ka Bandung. Hayu urang babarengan bebenah Bandung sangkan langkung merenah.


13 thoughts on “Hujan Banjir Dor Dar Macet

  1. Leres pisan tah Kang, banjir mah ulang nyalahkeun hujan. Nu salah mah manusa nu ngaruksak lingkungan…

    Sesah ah Kang basa Sunda teh. Abdi tiasa disebat teu mampu ngadamel karangan nganggo basa Sunda. Pikasediheun nya Kang…

    Salam ti katebihan.

    1. Enya emang sesah, kumargi teu biasa tea. Sanajan pituin urang Sunda ge rumasa masih seueur kalepatan. Tapi maksakeun weh, da lamun urang-urang saha deui.😀

Berkomentarlah sebelum komentar itu dilarang. (NB: Serélék=Email, Nami=Nama)

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s